Mbrojtësi i Manchester United, Chris Smalling, ka thënë se ardhja e Alexis Sanchezit në klub është një ‘mirëseardhje e madhe’.

Reprezentuesi kilian ka përfunduar testet mjekësore me klubin gjatë së dielës dhe pritet të kompletojë transferimin e tij posa të merr lejen e punës.

United është 12 pikë mbrapa Cityt në tabelën e Premierligës, por nënshkrimi me Sanchezin është një nga fitoret e rralla të Jose Mourinhos kundër skuadrës së Pep Guardiolës.

Mbrojtësi anglez, Smalling beson se nënshkrimi i Sanchezit do t’i dhurojë një vetëbesim të madh skuadrës si në ligë ashtu edhe në Ligën e Kampioënve.

“Ne të gjithë e dimë se është afër. Çdo lojtar që forcon skuadrën është i mirëpritur”, tha Smalling.

Sanchez është parë në Old Trafford të dielën mbrëma duke e festuar transferimin e tij.

Kiliani do të bartë fanellën me numrin 7, fanellë kjo e bartur nga Memphis Depay për herë të fundit. /arbresh.info/